සොඳුරු වසන්තෙක පිපි ගී ලතාවේ
මියුරු නදින් හිත් පිබිදුණු වෙලාවේ
පවුරු සදිසි හෙළ සළකුණ කලාවේ
කවුරු නැතත් අද මම වෙමි මුලාවේ
සිර වුණු සුසුම් ගෙන ගී තනු සැදු විවිධ
හර බර ප්‍රශංසා අභිමන් විය නොමද
වෙර ගෙන රසික සිත් වෙනුවෙන් එය කළද
පෙර දින තිබූ ජන ආලය අද කොහෙද
තොරණ ගසා පිළිගත් තරුවකි මිණි සේ
පරණ වෙලා දැන් දිස්නය නෑ පෙර සේ
සරණ පතා නව අතු අල්ලන රිසි සේ
මරණ මගේ පද වැල් වැළපෙයි දුක සේ...
--- දුමී --
දැරු පැහැ නීල දඟකම් පෑ පුංචි නෙතූ
හුරු පිය රුවම සිහිකරවයි දුකක තතූ
සරු වූ ගැබට වැඩිදා සිට මගේ පුතූ
හිරු ළං වුණේ වෙන සඳකට තරුද සතූ
වෙනතක බැඳුණු දෙදෙනෙකු ලොව ළං කරමින්
දෙසිතක සතුට රන් මුදුවෙන් වෙන් කරමින්
කතරක දැවී සිටියදි නෙත් තුටු කරමින්
අඳුරක ආවෙ පුතු මගෙ ලොව එළි කරමින්
පිය ගුණ නිතර ඔය හදටත් දැනෙනවදෝ
තිය තිය අඩිය ඒ රූපෙම හොයනවදෝ
කිය කිය වරුණ තනියම දුක් විඳිනවදෝ
ජය ලද දිනක මා හැර දුර ඇදෙනවදෝ
මට නුඹ රජෙකි තනි වුණු ලොව කිරුළ නැතේ
පිට පිට නැගෙන බාධක පැරදුමයි සෙතේ
රට වට එතෙන මිනිසත්කම ඇතුව සිතේ
හෙට ලොව ජයෙන් නැගිටිනු මම ළඟයි පුතේ...
--- දුමී ---
.
.
දළුපත් ඇහැරෙන
හිරිගඩු නැටවෙන
පෙම් හිත් නැහැවෙන
සිසිලස කොහෙද මෙතරම් වෙන
සියොතුන් නලියන
රහසක් මුමුණන
නිසසල රජයන
සුළඟත් තාලයෙන් නැවතුන
හිරුමල හිනැහෙන
කොහෙදෝ සැඟවුණ
මීදුමකින් මන
හැඟුමන් හැඩදමා පුබුදින
උණුහුම තැවරෙන
සතුට දෝරෙ යන
ආලය වෑහෙන
සොඳුරුයි සොඳුරියේ අද දින.....
( මත්වල ගී විරිත )
--- දුමී ---
.
. ඔයාට මතකද ? ආදරේ පාට මොකද්ද කියළා... දවසක් ඔයා මගෙන් ඇහුවා. ඒ වෙලාවෙ... මගේ අතේ තිබ්බ කෝප්පය දික් කරලා ඔයාට පෙන්නුවා. "කෝපී.?..&quo...
