සඳත් දැන් තැවිල්ලෙන් රැඳෙන්නේ වලාවේ .... ( ශනිදා දහය )

 

( ජගතී ඡන්දසට අයත් භුජංගප්‍රයාත විරිතට අනුව කෙරූ නිර්මාණයක්.  පාදයකට " ය " ගණ හතරකි. පාදාන්තයේ යතිය. )

සඳත්   දැන්  තැවිල්ලෙන්  රැඳෙන්නේ    වලාවේ

තරුත්  දුන්  හැඬිල්ලෙන්    කියන්නේ  කතාවේ

ළඟත්  උන්   නිදැල්ලෙන්   ඇදෙන්නේ   මුලාවේ

මමත්  රන්  කැදැල්ලෙන්  හොයන්නේ  ඔයාවේ

සදා   කල් සිනාවන්    තිබූදෙන්   පැතූවේ

එදා    කල්පනාවන්  නිසාවෙන්  හැඬූවේ

හදා    මල් රටාවන්   රැඳූ තැන් නොවූවේ

මෙදා සිල් වතාවන් මෙමා දැන්    පිරූවේ

සිතක්   සෝ  නොදේනම්  නොරිස්සුම්  නොවන්නම්

මලක්   කෝ    වැටේනම්      පරිස්සම්       කරන්නම්

දුරක්         ඕ     ඇදේනම්  වෙනස්කම්  නොදෙන්නම්

හෙටක් හෝ  නැතේනම්  දෙඇස් මම්        පියන්නම්

--- දුමී ---

( තට්ටයා සහ කොළොම්පුරේගේ ඉල්ලීම මත ශනිදා දහයට ඔන්න දුමී ගෙන් කවි පන්තියක්. ස්තූතියි. )