.
.
සඳ දිය සේල සිතුවම් හැඩ මවද්දී
ඉඳ ගෙන වටේ තරු තනිකම මකද්දී
විඳ විඳ වලාකුළු දුක් ගී ගයද්දී
හද මගෙ රිදෙයි ඔයාව සිහි කරද්දී
සුළං සැරට එහෙ මෙහෙ දුව පනිද්දී
වහං වෙන්න බෑ සුවඳක් දැනෙද්දී
පතං ආව ආදරෙ කටු ඇනෙද්දී
බලං ඉන්න බෑ විරහව හැඟෙද්දී
පැහැබර දිනක උඳුවප් මහ ලබද්දී
නැහැ පෙර දුකක් ඔයාගෙ රුව දකිද්දී
බැහැ සැනසෙන්න ඒ මතකය මැවෙද්දී
ඇහැ රතු වෙනව දැන් හීතල දැනෙද්දී
හඳක සිරිය උඳුවප් මහ දිළෙද්දී
මතක මැවෙයි මළබෙර හඬ ඇහෙද්දී
දිනක ඉපිද හැකිනම් සැරි සරද්දී
ළඟක ඉඳින් මගෙ හදවත හඬද්දී.....
--- දුමී ---
.
මම යනවා.
යන්නම යනවා.
මේ හුස්ම තව ටිකකින් නතර වුණාම...
ආයෙත් නොඑන්නම යනවා..
මම දන්නවා මැණික...
ඔයාට ඒක දරාගන්නබැරි බව..
ඒත්..
ඒත් කවදාක හරි අපිට යන්නම වෙනවා....
ඒ ඇත්තට මුහුණ දෙන්න වෙනවා...
ඉතින්....
ඔය ලස්සන ඇස් දෙකට
උණු කඳුළුනම් ගැළපෙන්නෙ නෑ..
අවසාන මොහොතටත් මට ඕනෙ...
ඔයාගෙ ඒ ලස්සන හිනාව දැකලම යන්න...
ඒ හින්දා ....
මගෙ මැණික
ඔයා
හිනාවෙලාම ඉන්න.....
--- දුමී ---
වසක් රසක් හෝ ආපිට හැඟුමන් ගත දැනී
වරක් දෙකක් නොව නිතරම සතුටට නතු වුණී
බියක් සැකක් වලලාගෙන හැම දෙනාම පනී
තැනක් ඉඩක් අදාළමද ඇවිළෙන්නට ගිණී
.
සිසිල් වෙමින් සැනසෙන්නට ආවත් සුව දැනී
ඇසිල්ලකින් ඇවිළෙනවා නවතනු බැරි ගිණී
දුසිල් ලෙසින් අනුනට කිව් සුදනුන් වැනි වැනී
විසිල් දෙමින් බල්ටි ගසා වැට කඩුලුත් පනී
.
ඇති වී නැති වෙන බවනම් සොබාදහම දනී
සති යහපත් කරගත්තත් යටි හිත පිමි පනී
ගති දුරලනු බැහැ කැරකී එයි ආශා පැනී
හති වැටෙනා තුරු පිච්චෙන සැපතක්මද ගිණී....
--- දුමී ---
.
තැබේ පියවර දිනෙන් දින තව වශී වෙන ඔය මදහසින්
තිබේ දහසක් සිහින සිත්තම් සසර හුරුවූ අනුහසින්
ඔබේ උණුහුමෙ ලැගුම් ගන්නට පතමි අවසර සෙනෙහසින්.....
--- දුමී ---
නගේ
තිගේ
ඉඟේ
රඟේ
මගේ
ඇඟේ
නැගේ
දඟේ.....
( සිරි ඦන්දසේ බිඳු විරිත ඇසුරෙන් )
--- දුමී ---
. . සඳ දිය සේල සිතුවම් හැඩ මවද්දී ඉඳ ගෙන වටේ තරු තනිකම මකද්දී විඳ විඳ වලාකුළු දුක් ගී ගයද්දී හද මගෙ රිදෙයි ඔයාව ස...
