කිඳුරු පෙම්වත ඔබේ නාමෙන් සැපකි මෙලොවින් නික්ම යෑමත්... ( ශනිදා රෑ දහයට XLIII).

 

.

.

සොඳුරු මතකේ මැරී ඉපදී 

                                 අතීතෙක සුව මවා පෑවත් 

සිඳුරු වූ හිත රිදෙනවාමයි 

                         දෙනෙත් අතරට කඳුළු නාවත්

අඳුරු අහසද වැලපි වැලපී  

                                 වියෝ ගීයක අරුත කීවත්

කිඳුරු පෙම්වත යළිත් එනතුරු 

                               උරුම නෑ මේ ගතට මාවත්...

.

‍රුදුරු වෙස් ගෙන සළෙල බඹරුන්

                                 සැරිසැරූවද වෙවී හාමත්

ගොදුරු නොවුණෙමි බැල්ම අභියස 

                            සුවඳ පිවිතුරු මලකි තාමත්

නුදුරු සසරේ යළිත් හමුවෙමු

              එතෙක් සෙනෙහස රැඳෙයි කෝමත්

කිඳුරු පෙම්වත ඔබේ නාමෙන් 

                    සැපකි මෙලොවින් නික්ම යෑමත්...

                             --- දුමී ---