.
ඇහැට දකිනට නිතර හොය හොය
කඳුළු පිබිදූ කාලයක්
හිතට වදදී සිනහ තවරා
වචන මිමිණූ තාලයක්
පනට පන සේ දුක සතුට දෙක
බෙදාගත් බොහො වාරයක්
ළඟට එද්දිම හුස්ම හිර වෙන
මටත් තිබුණනෙ ප්‍රේමයක්...
.
සොයා ආ දින පිපුණු මල මත
රැඳුණෙ ලස්සන සායමක්
නොයා දුරකට රැදෙමි හිතුවට
උරුම වුනෙ දුක් පාඩමක්
එයා දැක්කම හිතම නිවිලා
හැදුනෙ සෙනෙහස් පාලමක්
කියා ගන්නට හැඟුම් තිබිලත්
ගොතන්නට බැහැ නෑකමක්
.
දුරින් හිටියත් ගෙවූ දිනයන්
මතක සැමරුම් කෝටියක්
ඔබෙන් ලැබුවෙමි කියා මිලකල
නොහැකි තරමේ ආලයක්
හිතින් ළංවී අතින් ගිළිහෙන
සබඳකම් පිරි ලෝකයක්
එවන් තැන අප මුණ ගැසීමත්
වාවගනු බැරි ශෝකයක්...
--- දුමී ---
ඇඳට වී සිටියත් "කියෙව්වා" කියලවත් කොටන්න හිතුනා. ලිවීමට නොහැකි වීමත් දුකක්.
ReplyDeleteඅයි ඔබ අසනීපයකින්වත්ද ?
Deleteස්තූතිය ගොඩක් ඔබට
ජයවේවා !!!
//එයා දැක්කම හිතම නිවිලා
ReplyDeleteහැදුනෙ සෙනෙහස් පාලමක්//🌹
ස්තූතිය ගොඩක් අයියේ
Deleteජයවේවා !!!