.
හැඩ දමමින් හැදූ...
වයින් රසය බලමුද සුදූ...
( දේශිය මාදං වයින් )
යීස්ට් අරගෙන
මේස හැඳි දෙකකුත් මැන
සීනි ටිකකුත් ගෙන
එක් කරනු එය දැන් සතුටින
දිය රත් කරලා
කෝප්පය ගෙන මැනලා
හරි අඩක් බෙදලා
දමනු එයට සිනහ වීලා
මෙය හැඳි ගාලා
අඩ පැය අඩක් වහලා
පිපෙන්නට තියලා
කියමු සින්දු රසය මවලා
මාදං පොඩිකර
එක්කර වතුර ලීටර
ඉන් ඇටත් විසිකර
ගන්න යුෂත් රසය සිහිකර
එක්කර සීනිද
පෙර යීස්ට් මිශ්‍රණේ ද
රස්නෙ වූ වතුරද
දමාගෙන හැඳි ගා ගනිමුද
වියලා අරගත්
වීදුරු අසුරණ ගෙනත්
ඉන් උපරිම ලෙසත්
පුරව ගනු මිශ්‍රණය දැන්වත්
කුරුඳු කැබැල්ලක්
දැමුවම තිබේ රසයක්
රැගෙන සුදු රෙද්දක්
වසා ගෙන හිනැහෙනු මොහොතක්
එපා සොලවන්න
දින දහයක්ම තබන්න
මහන්සිය හිතන්න
ෆෝන් අරගෙන කවි ලියන්න
ඉන් පසුත් රැගෙන
සොලවා තබා එම තැන
මාසයක් ගිය දින
පෙරල ගනු නව බෝතල් මැන
නෙත ගත් පැහැයක්
සමඟින් අමුතු සුවඳක්
දැන් නැහැ ඉවසුමක්
බලා ගනු දැන් හොඳ රසයක්
ළඟයි අවුරුදූ
පිපී නටන එරබඳූ
හැඩ දමමින් හැදූ
වයින් රසය බලමුද සුදූ
අපගේම දෙයින්
හොඳ රසයක් ඇති වයින්
බොමුද සුදූ එයින්
යන්න හිත නැහැනෙ මට ගෙයින්....
( කාරිකා ගී විරිතට ගත් උත්සාහක් )
--- දුමී ---
ස්තූතිය :
වට්ටෝරුව සහ සේයාරුව ලබාදුන්
" තිලාගෙ කෑම පිටුව " හිමිකාරිණී තිලානි විතානගේ මහත්මියට .
දැන් ඉතින් ඔයාගේ
ReplyDeleteගේ පැත්තේ ඇවිත්
මාදන් වයින්
බොන්නට හිතයි
අයියා ලංකාවට ආව දවසක බලමු එහෙනම්😀
Deleteස්තූතිය ගොඩක් අයියේ.
ජයවේවා !!!
සෙල්ලම් නෑ. රෙසිපිත් කවියෙන්. දුර නැති අය යන්න. මාදන් වයින් ......නියමයි.
ReplyDeleteආහ්.. හැමෝම එන්න කලින් මේක හදාගන්න උත්සාහ කෙරුවනම් නියමයි.
Deleteස්තූතිය ගොඩක් අනුරුද්ධ
ජයවේවා !!!
අඩේ නියමයි බං!
ReplyDeleteඔය වගේ සිසිරකුමාර මාණික්කාඅරච්චිගේ කවිපොතක් තිබුනා කාවය රසයෙන් අනූන!
"ගස කැන් වළලලා
ගිණි දෙවියන්ට පුදලා . ." ඔන්න ඔහොම
ස්තූතිය ගොඩක් අයියේ.
Deleteජයවේවා !!!