තැනක් ඉඩක් අදාළමද ඇවිළෙන්නට ගිණී.... ( ශනිදා රෑ දහයට VII )

.

 .

වසක්   රසක් හෝ ආපිට හැඟුමන් ගත      දැනී

වරක් දෙකක් නොව නිතරම සතුටට නතු  වුණී

බියක් සැකක් වලලාගෙන හැම දෙනාම      පනී

තැනක් ඉඩක් අදාළමද ඇවිළෙන්නට          ගිණී

.

සිසිල් වෙමින් සැනසෙන්නට ආවත් සුව     දැනී

ඇසිල්ලකින් ඇවිළෙනවා නවතනු බැරි     ගිණී

දුසිල් ලෙසින් අනුනට කිව් සුදනුන් වැනි    වැනී

විසිල් දෙමින් බල්ටි ගසා වැට කඩුලුත්       පනී

.

ඇති වී නැති වෙන බවනම් සොබාදහම      දනී

සති යහපත් කරගත්තත් යටි හිත පිමි       පනී

ගති දුරලනු බැහැ කැරකී එයි ආශා            පැනී

හති වැටෙනා තුරු පිච්චෙන සැපතක්මද   ගිණී....

--- දුමී ---