ලබන හැම දින "සේරසිංහ"ය, ආයු බෝ ගෙන රැඳෙණු මැතිණී.... ( ශනිදා රෑ දහයට XXXI )

 .

.

සලා සිනහව රඟන මොහොතක 

                     හදේ ගැඹුරුම තැනක රැඳුණා

කලා පොකුණම සුවඳවත් කර 

                ශ්වේත නෙලුමක් ලෙසට පිපුණා

වලාකුළකින් මිදුණු සඳවත 

                       පරදනා රුව මතකෙ මැවුණා

වෙලාගත් මගෙ හැගුම් සෙනෙහස

                       කවිකමක් වී මෙසේ තැබුණා...

.

මවන ඉඟි බිඟි දෙනෙත කඩිසර 

                 මුවැත්තිය ලෙස නිතර පෙනුණී

වචන ගළපන අපූරුවනම් 

                        ඉස්තරම් බව කියමි බැතිනී

තිබෙන මතකය හැඩයි රංගන 

                        දීගෙ බක් මහ දසුන් මැවුණී 

ලබන හැම දින "සේරසිංහ"ය, 

                 ආයු බෝ ගෙන රැඳෙණු මැතිණී...

.

.

(  ශ්‍රී ලාංකේය කලාකෙත අස්වැද්දූ සම්මානනීය නිළි මාතාව,

 " අයිරාංගනී සේරසිංහ මැතිණියට " දුමීගෙන් පිදෙන හෘදයාංගම උත්තමාචාරයයි මේ... !!! )

--- දුමී ---.