ආදරයේ පාට රැඳුණු, අපෙ ආදර කෝපි කෝප්පය, තාම රස්නෙයි මැණික..( ශනිදා රෑ දහයට XXX).

 .

ඔයාට මතකද ?

ආදරේ පාට මොකද්ද කියළා...

දවසක් ඔයා මගෙන් ඇහුවා.

ඒ වෙලාවෙ... 

මගේ අතේ තිබ්බ කෝප්පය දික් කරලා ඔයාට පෙන්නුවා.

"කෝපී.?.." කියළා...

මගේ උරහිසට ඔලුව බරකරගෙන ඔයා කිව්වේ... 

තව තවත් මට තුරුළුවෙන ගමන්.

ඔව්.

ආදරේ පාට... කෝපි පාට..!

මන්දාරම් හැන්දෑවේ...

වැහි බිංඳු එකින් එක, 

ජනෙල් වීදුරු තෙමාගෙන ඇදී යද්දී...

නිස්කලංක කාමරයේ, 

ඉටිපහන් එලිය...

යාන්තමින් අඳුර මකාගෙන පැතිරෙද්දී...

හිතක...

ප්‍රේමණීය හැඟුම් පුබුදුවන්නට තරම්, 

පානයක් තියෙනවනම්. 

ඒ...

උණුම උණු, කෝපි කෝප්පයක්ම තමයි. 

ඒකටම හරියන...

ඔයාගෙන් කම්මුලට ලැබුණු හාදුවේ රස්නය...

ඉතින් මැණික...

ආදරේ පාට, කෝපි පාට කියන්න

තව මොකටද හේතු සාධක. 

එදා වගෙම අදත්...

ඒ මන්දාරමමයි.

හිරිගඩු නලියන, ඒ සීතල වැහි බිංදුමයි.

කිසිම සද්දයක් නැති, පාළු අඳුරු නවාතැනමයි.

ආදරේ මතක අවුස්සන... 

තනිකමයි මමයි අතරේ... 

ඔයා එනකන් මග බලාගෙන ඉන්න...

ආදරයේ පාට රැඳුණු...

අපෙ ආදර කෝපි කෝප්පය,

තාම රස්නෙයි මැණික...

--- දුමී ---